Canali

Müvəffəqiyyətli müəssisəyə çevrilən, lakin heç vaxt öz mənşəyini unutmayan ali sənət təzahürü. Bu Canali dərzilik sənətinin konsepsiyasıdır: geyimdə estetik mükəmməlliyə nail olmaq xətrinə yüksək keyfiyyətli parçalar, detalların işlənməsində sonsuz diqqətlilik, aramsız siluet yenilənməsi, yaradıcı yanaşma və yenilik. Hər şey daima mürəkkəbləşən avtomatik sistemlərlə təmin edilən gözəl biçmədən başlayır. Bunun ardından – məharətlə və dəqiqliklə əl ilə yerinə yetirilən tikmə əməliyyatları. Məhz bu tikiş ustalığı hər bir məmulatın üslub və eleqantlılıq üçün misilsiz komponenti olan ideal həcm və formasına zəmanət verir. Canali markası məmulatlarının tikilişinin dəqiqliyi müəyyən detallara görə o dəqiqə nəzərə çarpır, lakin onu tam dəyərləndirmək geyimi əyninizə geydikdən sonra mümkün olacaq: kostyumun dəqiq şaquli xətti, çiyinlər doldurulmuş, lakin qabarmamışdır, yumşaqlığa zəmanət verilir, bədənə oturma və rahatlıq mükəmməl səviyyədədir. Milan, London, Amsterdam, Nyu-York, Beverli Hills, Mayami, Şanxay, Qonkonq və Sidneyin firma mağazalarında Canali öz müştərilərinə ölçüsünə görə geyim sifariş etmək imkanı verir ki, onlar tam şəkildə tikiş keyfiyyətindən zövq ala bilsinlər. Bu butiklərin hər birində istənilən mövsüm üçün klassik nümunələr dəsti, və, əlbəttə ki, yeni parçaların ən yaxşı çeşidləri müştərilərin ixtiyarındadır. İxtisaslaşmış işçi heyəti sifarişçiyə öz kostyumunu fərdiləşdirməkdə və optimal üslub seçimi etməkdə yardım edəcəkdir.

Bir metr parçada bir neçə min əsas sapları və təxminən həmin qədər də arğac sapları bir-biri ilə sonsuz sayda dəfələrlə qarışaraq çarpazlaşır. Bu bitməyən hekayət keçmişdən danışır və gələcəkdən bəhs edir – nəsildən nəslə ötürülən təcrübə, geyimin rahatlığının artırmağa və onu kamilliyə çatdırmağa qadir olan unikal xüsusiyyətlərin səlahiyyətli təhlili. Canali keyfiyyətin ilkin materiallardan başlandığını dəqiq bilir. Buna görə də şirkət yüksək keyfiyyətli qiymətli parça və iplik növlərinin axtarışına, ən yaxşı dünya istehsalçıları ilə əlaqələr üçün heç vaxt zamanını və resurslarını əsirgəməmişdir. Onlarla birlikdə xüsusilə qiymətli parçaların istehsalı üçün orijinal qatışıqlar və yeni naxışlar işlənib hazırlanır. Həqiqətən də, parçanın qalınlığı və quruluşu ondan tikiləcək məmulatın təyinatına müvafiq olmalıdır. Xüsusilə palto tikilişi üçün işlənib hazırlanmış parçalar mövcuddur. Bunlar, məsələn, çəkisiz, yumşaq və isti geyimlər üçün çox yüngül olan “bebi kaşemir-şinşilla” parçası, təkrarolunmaz toxunulmaqla duyulan hisslər bəxş edən “kaşemir-norka” və “kaşemir-sobol” parçalarıdır. Klassik zərif Canali üslubu bütün mövcud olanlar arasında ən qiymətli olan Super 160's və Super 200's tipli çox nazik yunun, yun-anqora-kaşqora qatışığının və çox yüngül, lakin yumşaq və isti yun və kaşemir parçaların mükəmməlliyi ilə yaranır. Bundan əlavə çox qiymətli merinos yunundan olan, eksklyuziv, son dərəcə nazik – müvafiq olaraq 12.8 və 12.4 mikron olan tayı-bərabəri olmayan Esperidi 220's və 230's markaları da vardır. Bunlar Avstraliyada istehsal olunur və məhdud məmulat partiyasının tikilişi üçün istifadə edilir: dünya üzrə cəmi 140 məmulat Esperidi 220's və 80 məmulat Esperidi 230's parçalarından hazırlanır. Canali şirkətinin yaranmasının 75-ci ildönümünü qeyd etmək üçün məhdud məmulat partiyası üçün kaşemir-vikunya-ipək tərkibli qiymətli parça hazırlanmışdır. Bu xüsusi qatışıq – kaşemir 85%, vikunya 10%, ipək 5% – eksklyuziv cizgi üzrə Canali üçün hazırlanmış sıx, lakin eyni zamanda olduqca yumşaq parçadır. Vikunya – günəş rəngli yun, inklərin müqəddəs hesab etdiyi dəvəkimilər heyvan fəsiləsindən əldə olunur. Vikunya parçaya misilsiz istiliyi təcridetmə və hava keçirici xüsusiyyətlər verir. Yeni tərkiblərin işlənib hazırlanması, natural liflərin görülməmiş kombinasiyaları, arqac strukturunun, cizgilərin və rəng qərarlarının düşünülmüş uyğunluğu sayəsində Canali hər zaman aktual olan: “Uels şəhzadəsi” damalı, relyef arqaclı, ensiz cızıqlı və həndəsi naxışlı klassik parçalara yeni həyat bəxş edir.